Akademikë nga Tirana korrigjojnë enciklopedinë e Maqedonisë, gati rishikimi i tekstit

Në nismën për të rishikuar tekstin e enciklopedisë maqedonase që përmbante përcaktime fyese për shqiptarët dhe prejardhjen e tyre duke i cilësuar si ‘njerëz mali’ do të përfshihet edhe Akademia Shqiptare e Shkencave dhe Arteve.

Loading...

Sipas mediave maqedonase dy akademitë shqiptare dhe maqedonase kanë arritur një marrëveshje për përfshirjen e akademikëve nga Shqipëria në rishikimin e pjesëve të kundërshtuara të enciklopedisë.

Kjo marrëveshje pritet të nënshkruhet në muajin gusht në Ohër, mes kryetarit të Akademisë maqedonase Georgi Stardelov dhe kryetarit të Akademisë shqiptare Gudar Beqiraj.

Marrëveshja për përfshirjen e akademikëve shqiptarë plotëson edhe dy vendet vakante në grupin e punës për rishikimin e enciklopedisë maqedonase pas tërheqjes prej tij të akademikëve shqiptarë Alajdin Abazi dhe Ramiz Abdyli.

Dy akademikët u dorëhoqën në shenjë pakënaqësie nga vendimi për tërheqjen e botimit të parë të enciklopedisë nga tregu.

Enciklopedia e parë maqedonase e botuar në vitin 2008 ngjalli debate të forta mes radhëve të akademikëve për shkak të përcaktimeve fyese për prejardhjen e shqiptarëve. Përmbajtja e enciklopedisë së parë maqedonase, është kundërshtuar edhe nga profesori maqedonas Vllado Popovski, profesor në Universitetin e Shkupit, i cili shprehu zemërimin e tij lidhur me cilësimet për shqiptarët.

Sipas tij cilësimet që i bëhen shqiptarëve në atë enciklopedi nuk kanë të bëjnë me të vërtetën historike të shqiptarëve.

Profesori maqedonas Vllado Popovski që njihet edhe si një nga ekspertët në hartimin e Marrëveshjes së Ohrit, e cilësoi asokohe veprimin e Akademisë maqedonase si në kundërshtim me të kaluarën historike të dy popujve, të cilët prej shekujsh jetojnë në fqinjësi të mirë.

Nga faqa ne facebook: Te behemi 50.000 veta kunder regjistrimit te fese & kombesise.Loje e Grekut —> “Shperndaje”

Loading...

Leave a Reply

Your email address will not be published. Required fields are marked *

Back to top button