Protestat e opozitës, media kineze thirrje turistëve: Mos shkoni në Shqipëri!

, Protestat e opozitës, media kineze thirrje turistëve: Mos shkoni në Shqipëri!

Një treg prej pothuajse 1,5 miliardë personash nuk do të jetë i aksesueshëm për sektorin e turizmit gjatë vitit 2018.
Pas raportimit të Agjensisë Shtetërore Kineze të Lajmeve, “Xinhua”, për protestat e opozitës në Shqipëri, portalet kryesore të informacionit në Kinë i bëjnë thirrje shtetasve të tyre që të shmangin Shqipërinë si destinacion turistik për këtë vit.
Në një vend të centralizuar si Kina, raportime të tilla negative pritet të sjellin efekt të menjëhershëm në ofertat e operatorëve turistikë, që do të zëvendësojnë Shqipërinë me destinacione të tjera turistike si Greqia, Kroacia apo Mali i Zi.
“Xinhua”, zëri zyrtar i Pekinit, në fakt ka raportuar në mënyrë të përsëritur “trazirat” që shkaktojnë protestat e opozitës në vendin tonë.
Një lajm i tillë do t’i sjellë një dëm të rëndësishëm ekonomisë shqiptare, duke privuar sektorin e turizmit nga dhjetëra milionë euro që mund të vinin prej turistëve kinezë.
Sipas të dhënave të Agjensisë Kombëtare të Turizmit, turistët aziatikë janë kryesisht të interesuar për paketat e turizmit kulturor, një sektor që gjatë viteve të fundit ka njohur një rritje të vazhdueshme.
Në vitin 2017, Shqipërinë e frekuentuan 5 milionë turistë.
Sipas të dhënave të INSTAT, turizmi i solli ekonomisë shqiptare një vitim prej 1,7 miliardë eurosh gjatë vitit të lënë pas./ZgjohuShqiptar.info

Leave a Reply

Your email address will not be published. Required fields are marked *

Back to top button