CIA: Shqipëria, probleme me drogën dhe pastrimin e parave

Shqipëria vijon të jetë një prej vendeve më të rëndësishme prodhuese dhe tranzitore të lëndëve narkotike që furnizojnë tregun europian. Konstatimi vjen me të dhënat më të fundit të publikuara online në faqen zyrtare në internet të Agjencisë Amerikane të Zbulimit, CIA.

Të dhënat tregojnë se Shqipëria vijon të ketë një rol domethënës në prodhimin e kanabisit. Po ashtu është një pikë e rëndësishme tranziti në Ballkan për lëndët narkotike që vijnë nga Azia Jugperëndimore, si opiumi, hashashi e kanabisi. Shqetësim përbëjnë edhe grupet e narkotrafikut që vijojnë të zgjerojnë aktivitetin e tyre nëpër Europë. Problem përbën edhe pastrimi i parave të drogës, armëve dhe kontrabandës.

Loading...

Pika të rëndësishme tranziti të drogës nga Azia Jugperëndimore konsiderohen edhe Serbia dhe Maqedonia, vende të cilat gjithashtu janë problematike në sferën e pastrimit të parave të pista, për shkak të ekonomive të dobëta, sikurse edhe Bosnja.

Mali i Zi është i vetmi vend ballkanik, të cilin CIA e konsideron si mjaft të rrezikuar nga terrorizmi. Agjencia Amerikane e Zbulimit thotë se në këtë vend janë strehuar anëtarët e rrjetit të rrezikshëm japonez Aum Shinrikyo, që në Perëndim konsiderohen si organizatë terroriste.

Njësitë speciale të policisë malazeze, në Mars 2016 arrestuan në Podgoricë 58 anëtarë të kultit famëkeq. Në këtë aksion u arrestuan 43 shtetas rusë, shtatë nga Bjellorusia, katër nga Japonia, tre nga Ukraina dhe një nga Uzbekistani.

Sekti japonez është përgjegjës për sulmin terrorist në Japoni në vitin 1995, në të cilin 13 vetë u vranë dhe më shumë se 1 mijë u plagosën.

o.j/dita/ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button