Mulliri shekullor në Shtime, i shërbeu UÇK-së në luftën e fundit (Video)

Mulliri shekullor i familjes Salihi nga fshati Lanishte, iu shërbeu gjeneratave të tëra.

Ky mulli ishte në shërbim edhe të ushtarëve të UÇK-së, në luftën e fundit, andaj njihet si mulliri historik.

Sajni Salihi thotë për RTV Dukagjinin se ai sot kujdeset me shumë xhelozi për këtë mulli.

Loading...

Ai thotë se është dhurata më e mirë që e ka trashëguar nga të parët.

“Gojëdhënat thonë se mulliri është i periudhës osmane. Ne kemi shkua duke trashëguar brez pas brezi nga katragjyshet e deri sot. Njihet si “mulli historik” sepse iu ka shërbyer shumë luftërave, Luftës së Dytë Botërore edhe kësaj të fundit të UÇK-së. Mulliri ka qenë i ndërtuar me gurë, por një periudhë është deformuar dhe e kemi kthyer me blloka. Por forcat serbe e kanë djegur dhe ne e kemi rindërtuar me gurë siç ka qenë në fillim” rrëfen Sajni Salihi.

Fshati Llanishtë njihet si vend me traditë në Komunën e Shtimes gjë që dëshmohet edhe këtë mulli të vjetër, përcjell Telegrafi.

“Babai tregon se në këtë mulli kanë bluar shumë fshatra. Mulliri ka punuar 24 orë dhe unë e mbaj në mend kur kam kaluar këndej kam parë njerëz duke pritur në radhë për të bluar”, tregon më tej Salihi.

I ndërtuar me gurë e baltë, mulliri i jep një pamje të mrekullueshme fshatit i cili të jep ndjenjën se je kthyer në kohë./Telegrafi//ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button