Shqiptarët, nga fundi për gjuhët e huaja; por lënë pas britanikët

Pavarësisht se shumëkush mund të ketë një tjetër perceptim, shqiptarët janë ndër vendet e fundit në Europë sa i përket njohjes së një gjuhe të huaj, më mirë vetëm se britanikët, rumunët dhe boshnjakët.

Këtë e tregon një publikim i fundit i Eurostat, sipas të cilit, 59.9% e shqiptarëve nuk dinë asnjë gjuhë të huaj. Të dhënat i referohen viti 2016 dhe tregojnë se 25.9% e shqiptarëve dinë një gjuhë të huaj, 10.9% e tyre 2 gjuhë të huaja, dhe vetëm 3.2%, 3 ose më shumë gjuhë të huaja.

Loading...

Shifrat flasin qartë, dhe diferenca e shqiptarëve me popujt e tjerë të kontinentit të vjetër, e madje edhe me fqinjët rajonalë është e dukshme. Boshnjakët me 61%, rumunët me 64 dhe britanikët me 65% janë tre popujt e vetëm në Europë që kanë një rezultat më të dobët se Shqipëria.

Pavarësisht se shumë shqiptarë mund të dinë gjuhë të huaja, ata nuk i kanë të certifikuara këto aftësi, çka mund të përbëjë pengesë edhe në tregun e punës. Rekordin europian e mban Suedia, ku vetëm 3.4% e popullsisë nuk njeh asnjë gjuhë të huaj.

Suedia ndiqet në renditje nga pjesa dërrmuese e vendeve skandinave, ku gjuha angleze është mjaft e përhapur./ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button