Mehmet Kraja: Çlirimtarët në pushtet u bënë bashkëpunëtorë të Serbisë

Shkrimtari, gazetari dhe opinionisti nga Kosova, Mehmet Kraja, ka bërë një shkrim të gjatë në një gazetë online në Kosovë, të publikuar më vonë edhe nga Periskopi, e të titulluar “Turpi”.

Kraja shkruan për një varg çështjesh aktuale politike, siç ndodh zakonisht, me një qasje të fortë moralizuese. Kraja përvetëson në shkrimin e tij një metodë historiciste shpjeguese, duke e qendërzuar brenda saj “Kosovën” ose “Çështjen e Kosovës” e cila në fund, pavarësisht pengesave e çpengesave, arrin të triumfojë.

Loading...

Ai flet me përbuzje për gjithë elitën politike shqiptare në Kosovë, prej Luftës së II Botërore e këndej. Nga kjo perspektivë, ai beson që edhe elita aktuale politike, njësoj si të mëhershmet, do të delegjitimohet nga tradhtitë që i ka bërë “çështjes së Kosovës”.

Kraja kundërshton idenë e korrigjimit të kufijve, duke nënkuptuar se një gjë e tillë vie kryekëput si pasojë e nënshtrimit të atyre që i çuan “çlirimtarë” ndaj Serbisë.

Madje, Kraja shkon më larg duke thënë se këta ‘çlirimtarë’ në pushtet u bënë bashkëpunëtorë me bashkëpunëtorët e Serbisë “apo me trashëgimtarët e tyre ideologjikë”.

“Për të shpëtuar nga fundosja, pos kërcënimeve dhe shantazheve që filluan të mos pinin ujë, pas rekrutimit të një numri të madh të të rinjve të etshëm për pushtet dhe pasje korruptive, bënë edhe manovrën më të pabesueshme: rekrutuan vasalë dhe mbështetës nga radhët e kundërshtarëve të tyre “gjenetikë”, përfshirë edhe bashkëpunëtorë të Serbisë apo trashëgimtarë të tyre ideologjikë. Shpesh u bënë mburojë politike e bizneseve që kishin lidhje të forta me Serbinë, duke përdorur bisedimet e Brukselit në favor të këtyre bizneseve. “ – shkruan ai./ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button