Foto/ Ushtarët shqiptarë nisin trajnimin e atyre afrikanë
Ministrja e Mbrojtjes, Olta Xhaçka ka thënë se kontingjenti shqiptar në misionin e Bashkimit Evropian në Mali, e ka çuar në një tjetër nivel kontributin e tyre.
Ajo ka postuar disa fotografi në Facebook ku ka shkruar se krahas kursit bazë kundër mjeteve shpërthyese të improvizuara për ushtarakët afrikanë, tashmë kanë nisur edhe trajnimin e instruktorëve atje.
“Kontingjenti shqiptar në misionin e Bashkimit Evropian në Mali, EUTM Mali e ka çuar në një tjetër nivel kontributin e tyre. Krahas kursit bazë kundër mjeteve shpërthyese të improvizuara (#counterIED) për ushtarakët afrikanë, tashmë kanë nisur edhe trajnimin e instruktorëve atje”, shkruan Xhaçka./ZgjohuShqiptar.info