Masakër në Kanionin e Holtës, hidrocentrali ndërtohet në fshehtësi të plotë

Në verilindje të Gramshit, pranë fshatit Kabash e Bardhaj ndodhet Kanioni i bukur i Holtës. Ai është formuar nga erozioni i lumit Holtë dhe dukuritë karstike. Prej vitesh ky kanion është shpallur një monument natyre e rrjedhimisht si i tillë duhet mbrojtur, mirëpo për fat të keq kjo nuk ndodh.Kjo pasi në hyrje të këtij kanioni një masakër e vërtetë po i bëhet natyrës së bukur e shumë të pëlqyer nga ata që i duan udhëtimet në natyrë.Betoni po shkatërron bukurinë natyrore të kësaj zone pasi së fundi ka nisur të ndërtohet një hidrocentral.Një banor afër kësaj zone ka dërguar denoncimin e tij pranë redaksisë së JOQ Albania, ku kërkon ndihmë që të ndalohet kjo masakër.Ai shkruan:Përshëndetje.Te hyrja e Kanionit të Holtes, e shpallur monument natyror po ndërtohet një hidrocentral. Kërkojmë ndihmën tuaj.. Është dhënë leja për një hidrocentral në këtë kanion në fshehtësi të plotë. Po punohet gjatë gjithë kohës ndonëse është dimër dhe para zgjedhjeve. Hidrocentrali ëshhtë 100 metër poshtë hyrjes së kanionit. Nuk ka skandal më të madh.”

Ndonëse është deklaruar shpesh se hidrocentralet në Shqipëri sigurojnë rreth 80% të energjisë elektrike të vendit, numri i HEC-eve private në vitet e fundit është rritur ndjeshëm, duke rritur shqetësimin për dëmin që i bëhet natyres së pari, dhe së dyti për transparencën e munguar nga ana e atyre që i ndërtojnë./ZgjohuShqiptar.info

Leave a Reply

Your email address will not be published. Required fields are marked *

Back to top button