DEKLARATA/ Vuk Jeremiç: ju tregoj njeriun që loboi ndarjen e Kosovës në Uashington

Ish-ministri i Jashtëm i Serbisë, Vuk Jeremiç foli për Der Standard mbi negociatat ndërmjet Serbisë dhe Kosovës për shkëmbimin e territorit dhe krijimin e kufijve të rinj në Ballkan.

Presidenti i Serbisë, Aleksandar Vuçic, thotë Jeremiç, është i gatshëm për t’ja lënë Kosovës Luginën e Preshevës, një ide që ai e ka dëgjuar nga ish-kryeministri britanik Tony Blair, që sipas tij, ka siguruar kancelaren gjermane Angela Merkel se kjo është rruga e saktë.

Loading...

Dhe i pyetur nëse ky ndryshim kufijsh do ketë implikime në Ballkan, e ku veçohet Bosnja me tendencat separatiste të Milorad Dodikut të Republika Srpska, Jeremiç u përgjigj: “Pasi ta jetë aplikuar ky parim, gjithçka është e mundur”.

Jeremiç foli dhe për një bashkëpunim mes Aleksandar Vuçiç, kryeministrit shqiptar Edi Rama dhe kryeministrit të Kosovës Hashim Thaçi, duke thënë se “këta nacionalistët janë duke punuar prapa dyerve të mbyllura”, sipas tij, duke rrezikuar sigurinë dhe rritur tensionet midis kombeve.

“Ky ishte rasti në fillim të viteve ’90-të, kur Sllobodan Millosheviç dhe Franjo Tugjman punuan së bashku dhe diskutuan ndarjen e Bosnjës pas dyerve të mbyllura. Dhe më pas çuan në një katastrofë”, shtoi Jeremiç.

Jeremiç shpjegoi se Serbia bashkëpunon me konsulentë të huaj, të cilët ndihmojnë Beogradin që të kuptojë shkëmbimin e territorit me Kosovën.

Dhe ai përmend ish-përfaqësuesin e Lartë në Bosnje, Volfgang Petriç, si dhe ish-kryeministrin britanik Tony Blair.

Ndërsa në SHBA, kjo punë është bërë nga Corey Lewandowski, një ish bashkëpunëtor i ngushtë i Presidentit Donald Trump.

“Lewandowski u takua me Vuçiç në Beograd dhe përfaqësoi ndarjen e territorit në Uashington. Ai u punësua zyrtarisht nga Republika Srpska, por loboi për ndarjen e Kosovës”, shprehet Jeremiç. /tesheshi.com//ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button