“Në Shqipëri punoja shitëse, në Gjermani po shkoj për profesionin tim”

Inva 24-vjeçare nga Fieri ka studiuar infermieri në Tiranë.

“Punova për një vit e gjysmë në butik si shitëse dhe po mësoja edhe gjuhën, ndërkohë që një mikja ime më pas u bë shkak që nisa punë në profesion si ndihmës anesteziste në sallë operacioni, në një klinikë private, ku punova për një vit”, tregon Inva.

Loading...

Inva është në ditët e fundit të përgatitjeve, pasi ka lidhur kontratë pune me një klinikë private në Gjermani: “Nisem në 23 mars dhe jam e përgatitur shpirtërisht që të nis një jetë të re”.

Në Shqipëri ka marrë një pagesë prej 300 mijë lekësh (të vjetra), ose rreth 200 euro, ndërsa në klinikën gjermane do të paguhet me 2500 euro në muaj.

“Njoh shumë shokë e shoqe që kanë ikur apo janë në procedura e sipër për një pagë, jetesë, për fëmijët dhe për t’u vlerësuar profesionalisht”, shprehet Inva.

Edhe i fejuari i Invës ka aplikuar për punë në Gjermani: “Ai është IT dhe po mëson dhe nëse nuk lidh kontratë pune ai, do ta tërheq unë”.

Të bën përshtypje se sa e vendosur është që të nisë jetën e re nga e para në një shtet të huaj: “Unë do t’ia dal. E di që nuk është fushë me lule, por do ia dal”.

Inva dhe i fejuari i saj i përkasin atij grupi shqiptarësh të arsimuar dhe me një profesion të mirë që po largohen më së shumti në emigrim. Ata janë shembulli se drejt Perëndimit nuk po ikin në shumicë më të varfërit dhe të papunët, si dikur drejt Greqisë dhe Italisë, por ata që kanë një punë, por kërkojnë një standard më të mirë për veten e tyre dhe fëmijët që duan të rrisin./ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button