Nga Shqipëria…, gratë e veriut bashkohen për ëndërrat e tyre

Ne gratë…(noi donne…)

Dita Ndërkombëtare e Grave, jo e nënave.

Loading...

Një datë e shëuar për tu festuar, por në shenjë të lëvizjes për të drejtat e grave.

Një ditë që pretendon të rikthejë vëmendjen në nevojën për mbrojtje të femrës, integritetit të saj, të drejtës së barabartë, e cila sot mund të mos mungojë, së paku si një rregull i shkruar.

Një ditë anti-seksiste dhe kundër diskriminimit, por për motiv fuqizimi dhe shprese në shoqëri.

Një shembull i kësaj beteje, krah së drejtës, janë gratë e Shqipërisë veriore, veçanërisht të trajtuara në reportazhin e mëposhtëm.
Një produksion i realizuar me mbështetje financiare nga Bashkimi Europian dhe nje reportazh nga OJQ italiane RTM.

Gjithçka vjen enkas në Ditën Ndërkombëtare të gruas, ku kësaj radhe zëri i tyre është bashkuar më së miri me qëllimin e përbashkët: realizimin e ëndërrave të tyre.
Bëhet fjalë për gratë e zonës së veriut, të palodhura, moment i të cilave ka ardhur-për të vërtetuar vlerat e tyre.

Një bashkëpunim midis vullnetarëve në botë, me Qendrën e gruas ‘Hapa të Lehtë’, Fondacionin për Zhvillimin e Partneritetit dhe Albania News, me mbështetje financiare nga Bashkimi Evropian, Fondacioni Cassa di Risparmio di Modena, Bashkia e Modenës dhe Kisha Valdese.
Projekti W.O.M.E.N. mbështet prej tre vitesh, grupet e grave që jetojnë në zonat malore të Shqipërisë së veriut.

Ka bërë të mundur realizimin e ideve të tyre sipërmarrëse, dhe një të ardhme plot shpresë.
-Në Koman një grup prej 12 grave, promovojnë turizmin e qëndrueshëm përmes furnizimit me ushqim, mikpritjen dhe prodhimin e produkteve të qumështit. -Në Iballë, një grup prej 24 grave i kanë dhënë jetë një qendre të komunitetit, duke filluar zanatet, si rrobaqepësinë dhe ushqimin, kuzhinën.
-Në Qelëz, një grup prej 11 grave eksperimenton me sukses kultivimin dhe prodhimin e serrave të frutave dhe perimeve.

Gratë ndërhynin në tre probleme kryesore në këto zona rurale: izolimi i thellë, aftësitë e varfëra sipërmarrëse, varësia ekonomike. Vështirë se puna e këtyre grave të njihet me një shpërblim ekonomik. Për këtë arsye, duke u dhënë jetën aktiviteteve sipërmarrëse dhe për rrjedhojë duke pasur një burim të ardhurash u lejon atyre të kenë peshë më të madhe dhe njohje më të madhe në familje dhe në komunitet.
Për më tepër, duke punuar së bashku i lejon ato që të rrisin ndërgjegjësimin e tyre për aftësitë e tyre, të përballojnë njëra-tjetrën, në lidhje me vështirësitë dhe të mbështesin atë.

Ky projekt duket se i ka ndihmuar ato të mos ndihen më të vetmuara, duke i bërë më të forta. Shpresa, për të gjithë ato, është të sigurojnë një të ardhme më të mirë për fëmijët e tyre dhe familjet e tyre, për të mos u detyruar të braktisin tokën e tyre.
“Nuk do të lëvizim nga ky vend. Ne do të përpiqemi të sjellim këtu njerëz të tjerë që duan të jetojnë këtu”.

“Bashkimi bën fuqinë”, dhe kjo është edhe më e vërtetë kur të bashkuara janë gratë! /ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button