“Vendi drejtohet nga Ali Pashai, brenda 10 vitesh gjysma e Gjirokastrës do të shembet”

Punimet për restaurimin e Qafës së Pazarit në Gjirokatër dhe shkulja e zhdukja e kallëdrëmit qindravjeçar në këtë zonë të mbrojtur nga UNESCO, ka sjellë dhe reagimin e ashpër të specialistëve të fushës.

Në një ntervistë për Faxnews, Neritan Ceka ka deklaruar se situata me trashëgiminë kulturore në Shqipëri është në ditë të errëta. Arkeologu u shpreh se brenda 10 vitesh, gjysma e Gjirokastrës rrezikon të shembet sepse qeveria nuk ka bërë asnjë lloj orvatje për ruajtjen dhe prezervimin e ndërtesave të vjetra. Sipas Cekës vendi fatkeqësisht po drejtohet nga pashallarë, që ndjekin shembullin e “Pashait të Madh”.

“Kjo ministri duhet të ketë për detyrë të hartojë politika dhe jo të marrë përgjegjësitë e mirambajtës. Mungon një vizion për të ruajtur trashëgimitë kulturore, kjo që po bëhet në Gjirokastër është një makiazh. Jemi në një kaos të plotë dhe në mes të këtij kaosi është Ministria e Kulturës. Kanë bërë edhe një ligj të ri se nga ku e morën, e nxorën nga furra dhe nisën ta zbatojnë, ligjin për trashëgiminë kulturore. Qafa e Pazarit në Gjirokastër po shkatërrohet sepse nuk ka një ligj që detyron pronarin ta rregullojë dhe mirëmbajë shtëpinë e tij sepse nuk i ofrojnë dot infrastrukturën që ai mund të kërkojë ndaj nuk e bëjën ligjin.

Loading...

Me këtë linjë ju garantoj se për 10 vite gjysma e Gjirokastrës do të jetë shembur sepse treçereku ka mbaruar. Është një fakt absurd që ministria e di që ka mungesë arkeologësh në këto qendra kulturore. Këtu UNESCO nuk ekziston sepse askush nuk e pyet, kjo ndodhi në Butrint. Ky vend drejtohet nga Ali Pashai, në çdo drejtim, nuk po flas për Kryeministrin i cili është pashai i madh. Secili është bërë pasha, po flas në aspektin e trashëgimisë kulturore, askush nuk i pyet specialistët. Sepse vijnë vetë nga hiçi dhe shkojnë drejt hiçit, dhe njerëz të tillë nuk duan t’ja dinë për rëndësinë e monumenteve të kulturës. UNESCO ka ndërhyrë dhe mund ta heqi nga lista e saj sepse ka parë mungesën e kujdesit ndaj saj, e ka lënë në listë pezull”, paralajmëroi Ceka./Express/ZgjohuShqiptar.info

Loading...

Leave a Reply

Your email address will not be published. Required fields are marked *

Back to top button