Prokurorët e SPAK, gati vetëm nëse kalojnë vetting-un e ndërkombëtarëve

Shtatori pritet të kalojë në proces vetting-u 15 kandidatët e SPAK. Të përzgjedhurit e Këshillit të Lartë të Prokurorisë, si më të mirët në garën e hapur për Prokurorinë e Posaçme do t’u duhet të fitojnë një tjetër betejë: ketë herë me gjykatësit e vetting-ut.

Lista me emrat e kandidatëve të shpallur nga Këshilli i Lartë i Prokurorisë i është dorëzuar dy shkallëve të vetting-ut, duke qenë dhe prioritare. Pjesë e këtij “verifikimi” do të jenë karriera, pasuria dhe morali i kandidatëve.

Loading...

OPDAT dhe Euralius janë dy organizmat amerikane dhe europiane që asistojnë procesin nga nisja e tij deri në konstituimin e institucioneve të reja të drejtësisë. Në filtrin e tyre ka kaluar jo vetëm karriera, por çdo e dhënë mbi lidhjet e tyre me dosje konkrete dhe për fatin e hetimeve ende në proces ku janë përfshirë edhe politikanë.

LEXO DHE :  Hije të rënda skandali edhe në koncesionin 75 mln € të laboratorëve

Kjo e ka bërë më të thjeshtë punën e Këshillit të lartë të Prokurorisë në përzgjedhjen e 15 kandidatëve për Prokurorinë e Posaçme kundër korrupsionit dhe krimit të organizuar, por duket të jetë një ndihmë e mirë edhe për vetë organet e vetting-ut.

Pas ndryshimeve kushtetuese që morën 140 votat e deputetëve, ligji për SPAK është i vetmi ndër ligjet zbatuese të Reformës në Drejtësi që mori dhe votat e Partisë Demokratike, pasi OPDAT-i amerikan mori parasysh vërejtjet mbi draftin e tij. Shtetet e Bashkuara janë veçanërisht të angazhuara jo vetëm me mbështetje profesionale, por edhe financiare, mbi këtë strukturë që e krahasojnë me FBI-në, Byronë Federale të Hetimit.

Loading...
loading...

Lexo gjithashtu

Close
Back to top button