A ka patur Shqipëria teatër antik

Teatri antik ishte ndërtim i hapur për shfaqje dramash e komedish.

A ka pasur Shqipëria të tillë?

Po, në Shqipëri njihen nga periudha antike teatrot e Apolonisë (shek.IV p.e.s), i Bylisit, i Nikajës, i Butrintit, i Ambrakisë etj.

Teatri Antik përbej nga shkallarja, orkestra dhe skena.

Numri i vendeve të shikuesve luhatej nga 8000 në Apoloni dhe Bylis, në 1000 në Nikajë.

Në qendër të shkallares, poshtë, ndodhej orkestra rrethore ku qëndronte kori.

Para orkestrës vijonte një platformë e ngritur ku jepej shfaqja.

Pas saj ishte skena.

Në shek.I e.r vijoi përdorimi i teatrove të trashëguara dhe u ngrit ai i Orikut për 600 spektatorë, ndërsa nga fillimi i shek.II rindërtohen skenat e teatrove të trashëguara (Apoloni, Foinike, Bylis, Butrint).

Feja kristiane në shek.IV i ndaloi shfaqjet teatrale dhe si pasojë teatrot antike u braktisën.

Në foto: Rrënojat e teatrit antik në Adrianopoli, Sofratika e sotme.

Back to top button
Close