Rruga e ‘preferuar’ e shqiptarëve..Si zbulohen nga skaneri klandestinët brenda kamionëve për Angli

Skaneri ka zbuluar emigrantët klandestinë të fshehur mes mbeturinave të riciklueshme në një kamion, ndërsa kishin paguar për këtë udhëtim nga  7 deri në 13 mijë euro për të shkuar drejt Anglisë. Në kamionë të tjerë ku ishin fshehur emigrantë kishte edhe materiale ndërtimi ndërsa disa brenda konterinerëve.

ReportTv sjell fotot e operacionit të finalizuar më 13 nëntor, ndërsa në pranga kanë rënë 4 shoferë kamionësh dhe janë ndaluar 10  të përfshirë në këtë skemë, si dhe 22 të tjerë janë në kërkim. Është ky rezultati i një operacioni të kryer nga Europol në Rumani dhe Gjermani.

Kjo mënyrë e kalimit ilegalt përdoret shpesh edhe nga shqiptarët, veçanërisht të qarkut të Kukësit, që zgjedhin rrugën drejt Anglisë ime kamion, por në këtë rast të ndaluarit janë të shtetësive të tjera. Fitimi për grupet kriminale të klandestinëve, sipas Europol përllogaritet në 2 milion euro për 580 emigrant të paligjshëm të futur me kamionë.