“Edhe më budallai e kupton këtë” – Dash Shehi përplaset me Dash Sulën: Ai nuk është Bajram, por Haram, nuk të shikon në sy

Deputetët Dashamir Shehi dhe Dashnor Sula u përfshinë në një debat lidhur me datën e zgjedhjeve dhe konsultimet e zhvilluara nga presidenti Bajram Begaj.

Në rubrikën “Opinion” në News24, Shehi tha se Partia Demokratike gaboi që nuk shkoi në konsultimet e presidentit, por Sula u shpreh se ai nuk e meriton t’i ulesh në tavolinë.

Shehi: PD duhej të kishte shkuar në konsultime me presidentin. Zoti president e ka në dorë që të heqi dyshimet që ka opozita, por presidenti nuk i hep dot kriminelët nga zgjedhjet. Ato mund t’i heqë Edi Rama, drejtësia, SPAK. Është në nderin e presidentit që të bënte gjestin e konsultimeve.

Edhe më budallai e kupton këtë. A po shkojmë në zgjedhje ne? A po shkojmë me të gjithë këto dhunime përpara? Pse po e bëjmë këtë? Për të respektuar procesin. A do të shkoni ju në zgjedhje në datën e caktuar nga Presidenti

Sula: Ai si president nuk e meriton të ulesh me të, ai e kam emrin Bajram, por e meriton Haram. Ka emër të shenjtë, ka pak integritet burri. Edi Rama është më i mirë se ky, sepse të shikon në sy, ndërsa presidenti nuk të sheh në sy. Është kryer puna, data 11 maj do jenë zgjedhjet, e ka vendosur. Ai edhe kur ikën në shtëpi merr leje a të shkoj apo jo.

Shehi: A do të shkoni ju në zgjedhje në datën e caktuar nga presidenti?

Sula: E ka caktuar ai datën, ka marrë fund data 11 maj do jetë. Pse zgjodhi ai datën 11 maj, që e caktoi PS dhe jo 3 datat e tjera që ishin në dispozicion? Nëse ai nuk cakton datën 11 maj, unë do i ulem në gjunjë do i them më fal. Ky president krijoi debatin edhe për datën e zgjedhjeve, turp i zi.